اسْمع يا بَنْ كِيرانْ

اسْمع يا بَنْ كِيرانْ

*********

ماخصني بنان
ماخصني تفاح
انا باغي حنان
وْباغي نرتاح
ساويلي لميزان
تمم لْ إصلاح
ايلا بغيتي تبان
وتنال النجاح
خفَّض لْ أسعار
وبْدا ب لْبنْزين
وْنقَّص الدُّولاَر
لَ صْحابْ لْبَرْلمَان
وْحتَّى لْوُزَارَا
نْقصْلُوم لِيجَارَة
الشعب ليوم صحا
رايد كرامة
حالم ب فرحة
ب أمن وسلامة
يطالب ب الصحة
تتعمم تتساما
ملِّينَا مَ لَّفْساد
وكثرة لفهامة
شْفارة لقيَّاد
وْحتَّى شي عُولاَمَا
الشَّعْب ماعادْ قُبَّانْ  =  ( أُمِّي )
راهْ وَاعي ومْصَحْصَحْ
مَايلْهيه بنًانْ
مايْدَوّْخُو تُفَّاح

*********
المريني ادريس
القصر الكبير بتاريخ : 04 / 09 / 2013