حْكايَة

حْكايَة

**********

حْكايَة حْكاهَا ليا ابَّا

فْ باب الدَّار فوگْ لْعتْبة

عْلى ناس جمْعاتْهُوم لمْحبَّة

بْلانْفَاق

بْلاَ زْواقْ

متْلاحْمين بْلا صْداق

يْدرّْجُو لكْلاَم

يرْويوَاهْ حكايات

يعزْفُوه نْغام

أو مسْرحيَّات

واللِّي بْغا يَعْرف شْكُون

يتْملاَّ داخلْ هاذْ لْكُون

يَلْقا شبابْ مُبدِعْ مْواظَِبْ

منْ جمعيَّة فضاء الطَّالب

شِعارْهُوم عَطاءْ وْسَخَاءْ

رغْم الإِكْراهْ وَالتَّضْيِيق

مْواصْلين شاقِّين الطّْريقْ

مْحفّْزَاهُوم تشْجيعَاتْكُوم

هَمّْهُومْ لْوَحِيدْ إِمَتَاعْكُوم

رافْعينْ عْلام قَصْراوَة

زَارْعِين بِينَاتْنا لْخَاوَة

عَاشْ فَضَاءْ الطَّالبْ

بْلاَتَهْريج بْلا جَلْبَة

بْلا خْذَاعْ بْلاكَذْبة

واللِّي فِيه الدّْغُلْ

يتْوَارا وْيتْخَبَّا

**********

المريني ادريس

القصر الكبير بتاريخ : 28 / 07 / 2013