حالة شروذ ( 37 )
**********
قلْبِي نامُوس بِِينْ يدِّيكْ مْترَّع
سنَّنْ كِيفْ تْحَبّْ فْيه وْشَرَّع
مُوحال نْقدّْ نْقَاومْ أَوْنتْمنَّع
وُلاَّ نتْرهَّطْ عْليكْ أوْنتْصَنَّع
عَارْفَانِي مْعوَّر فِيكْ مْضبَّع
قْضَاكْ مَانَسْتَانْفُو لمْقَامَك نَرْكَع
عَهْدي مَانْخَالْفُو وَلاَعْليهْ نَرْجَع
مَامْربِّيش عَ لَّغْدر وَلابِيهْ مْطبَّع
يَاذَيك اللِّي بِيها لْقَلبْ تْولَّع
جْمَارَك فَ دْخَالِي زانَد مْشَعْشَعْ
عِِينِِي من حرُّو ذَرَّافة وْتَدْمَع
وعْيُونَكْ عْقَاربْ غَمْزَتْهُم تَلْسَعْ
شَبْحَتْني فَْ مَحْرابَكْ سَاجَد مْخَشَّع
مَتّْعِيني فَ جْنانَك وْخلِّينِي نَرْتَع
لاَتْزَهْدي فيَّا كِيفْ رَاني نَتْوجَّع
دَاوِينِي بْ تُرْياقَك قْبَل لاَ نْودَّع
تبْقَا سِيرْتي حْرُوفْ بَيْضَا كَ تنْصَعْ
وَلاَّ أزَليَّة ضَايْرة فَْ كُلّْ مََرْبَع
أَوْ تْعُودْ قْصِيدًة مَنْغُومَة اتَّسْمَع
***********
المريني ادريس
القصر الكبير بتاريخ : 18 / 07 / 2013
**********
قلْبِي نامُوس بِِينْ يدِّيكْ مْترَّع
سنَّنْ كِيفْ تْحَبّْ فْيه وْشَرَّع
مُوحال نْقدّْ نْقَاومْ أَوْنتْمنَّع
وُلاَّ نتْرهَّطْ عْليكْ أوْنتْصَنَّع
عَارْفَانِي مْعوَّر فِيكْ مْضبَّع
قْضَاكْ مَانَسْتَانْفُو لمْقَامَك نَرْكَع
عَهْدي مَانْخَالْفُو وَلاَعْليهْ نَرْجَع
مَامْربِّيش عَ لَّغْدر وَلابِيهْ مْطبَّع
يَاذَيك اللِّي بِيها لْقَلبْ تْولَّع
جْمَارَك فَ دْخَالِي زانَد مْشَعْشَعْ
عِِينِِي من حرُّو ذَرَّافة وْتَدْمَع
وعْيُونَكْ عْقَاربْ غَمْزَتْهُم تَلْسَعْ
شَبْحَتْني فَْ مَحْرابَكْ سَاجَد مْخَشَّع
مَتّْعِيني فَ جْنانَك وْخلِّينِي نَرْتَع
لاَتْزَهْدي فيَّا كِيفْ رَاني نَتْوجَّع
دَاوِينِي بْ تُرْياقَك قْبَل لاَ نْودَّع
تبْقَا سِيرْتي حْرُوفْ بَيْضَا كَ تنْصَعْ
وَلاَّ أزَليَّة ضَايْرة فَْ كُلّْ مََرْبَع
أَوْ تْعُودْ قْصِيدًة مَنْغُومَة اتَّسْمَع
***********
المريني ادريس
القصر الكبير بتاريخ : 18 / 07 / 2013
ليست هناك تعليقات:
إرسال تعليق