لْخاطر مَكْسُور
************
لْخَاطَرِ مَكْسُور السَّمْع مْشَنَّف
السَّاحة مَرْجُوجَة فَوَّارَة
وَرْبيعَك يابْلادِي خرَّفْ
جابْ ليَّا لَحْية مكَّارَة
كلّْ جَلْسة تَطْلَع تَهْرَف
تْگُول ليَّا بَاغِي التّْمَارَة
ياللَّحْية رَاكْ غِي تْخرَّف
فْ كل خُطْبة لاَيِحْ عِبَارَة
ايْلا عْفِيتِي عمَّا سَلَفْ
فِينْ هُوما ذُوك الشَّفَّارَة
شْحَال بِيهُوم كَنْتي تْهَتْرفْ
حتَّى حِينْ رْأَسْتي لْوِزَارَة
لْيُوم عَُدْتِي حَايَر تَالَفْ
وْرَا التَّماسِيحْ كَ تَتْوَارَا
وَآشْ مَنْهُوم انْت خَايِفْ
وُلاَّ مَاگَادّْ تَبْرَزْ تَتْبَارَا
الرَّبِيعْ يْبَسْ ويْدَامُو نْشَفْ
لسْعَار خْواتْ ليَّا الشّْْكَارَة
فْهمْت كْلامَك بْلاَمَاتَحْلفْ
وْمآلْمسْت منُّو غْ لَخْسَارَة
لَفْسَادْ تْزَادْ وْمَا شَدّْ الصَّفْ
مَاعَادْ تنْفَع مْعَاهْ لَحْزَارَة
ايْلا نْتَ فْشَلْتِي خْلاَصْ تْخَلَّفْ
وُرْجَع اللُّورْ مْعَ لْفُوقَارَا
عْلنْها صْرِيحَة بْلاَ تَقَشُّفْ
لْ إِسْتِقَالَة بْلاَ تَمَارَة
************
لْخَاطَرِ مَكْسُور السَّمْع مْشَنَّف
السَّاحة مَرْجُوجَة فَوَّارَة
وَرْبيعَك يابْلادِي خرَّفْ
جابْ ليَّا لَحْية مكَّارَة
كلّْ جَلْسة تَطْلَع تَهْرَف
تْگُول ليَّا بَاغِي التّْمَارَة
ياللَّحْية رَاكْ غِي تْخرَّف
فْ كل خُطْبة لاَيِحْ عِبَارَة
ايْلا عْفِيتِي عمَّا سَلَفْ
فِينْ هُوما ذُوك الشَّفَّارَة
شْحَال بِيهُوم كَنْتي تْهَتْرفْ
حتَّى حِينْ رْأَسْتي لْوِزَارَة
لْيُوم عَُدْتِي حَايَر تَالَفْ
وْرَا التَّماسِيحْ كَ تَتْوَارَا
وَآشْ مَنْهُوم انْت خَايِفْ
وُلاَّ مَاگَادّْ تَبْرَزْ تَتْبَارَا
الرَّبِيعْ يْبَسْ ويْدَامُو نْشَفْ
لسْعَار خْواتْ ليَّا الشّْْكَارَة
فْهمْت كْلامَك بْلاَمَاتَحْلفْ
وْمآلْمسْت منُّو غْ لَخْسَارَة
لَفْسَادْ تْزَادْ وْمَا شَدّْ الصَّفْ
مَاعَادْ تنْفَع مْعَاهْ لَحْزَارَة
ايْلا نْتَ فْشَلْتِي خْلاَصْ تْخَلَّفْ
وُرْجَع اللُّورْ مْعَ لْفُوقَارَا
عْلنْها صْرِيحَة بْلاَ تَقَشُّفْ
لْ إِسْتِقَالَة بْلاَ تَمَارَة
***********
المريني ادريس
القصر الكبيربتاريخ : 19 / 07 / 2013
ليست هناك تعليقات:
إرسال تعليق