ردّْ بالكْ

ردّْ بالكْ

*********

ولْد لفْقِيه
خْرج سْفيه
حْلم حْلامَة
كْلا جُوج وْضامة
بْ يدِّيه ورجليه
مايگدّْ حدْ ينْهيه
راسُو قاصَح
كيفرَّق الصّْناطَح
كَ ينْها وَ يْآمَر
كَ يْبرْغَز وْيتْآمَر
جَاهَل
وْمنْ جَهْلُو
ديمَا شَاعَل
فْ عِيُون مْثَايْلُو
دَاعيَة
فْ عِيُونْ زْمَايْلُو
دَاهيَة
فْ عيُونْ عْدايْلُو
طَاغِيَة
عنْدو فَرْصَادَة تعْجَب
مْقزْدرَة مَاهِي خْشَب
فْ صرْفو كَ ينْهَب
كَ يقْمع وْكَ يْكْذَب
وْغ عْطِيه بْلا مَايَطْلب
كَ يْحَشّْ كِ الزَّرَّاب
اللِّي فَ طْريقُو يدِّيه
ردْ بالك لاَ تغْلَط فِيهْ
انَا نْصَحْتكْ بَ لِّ فِيه
ويْلا زرّْفَك منَّكْ لِيهْ
**********
المريني ادريس
القصر الكبير بتاريخ : 15 / 06 / 2013