شكون هو حولي العيد
جَا الصِيفْ
وْجَابْ مْعَاهْ رَمْضَانْ ضِيفْ
عْطِيناهْ الصْوابْ ، حَلِّينَا لِيهْ لْبَابْ مْنْ بْعِيدْ
قَلْنَا لِيهْ ، مَرْحْبابِيكْ ، تْفَضَّلْ زِيدْ
الصَّايَارْ فِيهْ مْضَوْبَلْ
بْحَالْ لآجَرْ، وْنْهَارُو طْوِيلْ مْدِيدْ
دُوَّزْنَاهْ بِسَتَّة وْسِتِّينْ كْشِيفَة
خَرَْجْنَاها مْعَاهْ طْرِيفَة ، حَتَّا قَرَّبْ الْعِيدْ
لْمادَامْ بَاغْيَة لْحَوْلِي
الثّْلآجَة ، الصَالُونْ ، وْكُولْشِي جْدِيدْ !!
وَاشْ آنَا مْهَنَْدْ وَلآ حْدِيدْ
النَّاسْ تَتْقَدَْمْ لْفُوقْ وُتْزِيدْ
وَآنَا خَارْجَة عْلِيَّا
بَنْتْ بَّا سْعِيدْ
الْقِيلْ وَلْقَالْ بِلْسَانْهَا
هَارْدَاهْ هْرِيدْ
هَذَا حَالْهَا
تْقَيّْلْ عِي فْ اللِّي مَايْغْنِي مَايْفِيدْ
إِيْلآ نَقْنَقْت قُدَّامْهَا
كَتَنْشَرْنِي، فْحَالْ الْقَدِّيدْ
آشْ ظْهَرْ لِيكُومْ نْبَعْبَعْ
وَنْقُولْ، آنَا هُوَّ لْحَوْلِي
نْهَارْ الْعِيدْ ؟؟؟
جَا الصِيفْ
وْجَابْ مْعَاهْ رَمْضَانْ ضِيفْ
عْطِيناهْ الصْوابْ ، حَلِّينَا لِيهْ لْبَابْ مْنْ بْعِيدْ
قَلْنَا لِيهْ ، مَرْحْبابِيكْ ، تْفَضَّلْ زِيدْ
الصَّايَارْ فِيهْ مْضَوْبَلْ
بْحَالْ لآجَرْ، وْنْهَارُو طْوِيلْ مْدِيدْ
دُوَّزْنَاهْ بِسَتَّة وْسِتِّينْ كْشِيفَة
خَرَْجْنَاها مْعَاهْ طْرِيفَة ، حَتَّا قَرَّبْ الْعِيدْ
لْمادَامْ بَاغْيَة لْحَوْلِي
الثّْلآجَة ، الصَالُونْ ، وْكُولْشِي جْدِيدْ !!
وَاشْ آنَا مْهَنَْدْ وَلآ حْدِيدْ
النَّاسْ تَتْقَدَْمْ لْفُوقْ وُتْزِيدْ
وَآنَا خَارْجَة عْلِيَّا
بَنْتْ بَّا سْعِيدْ
الْقِيلْ وَلْقَالْ بِلْسَانْهَا
هَارْدَاهْ هْرِيدْ
هَذَا حَالْهَا
تْقَيّْلْ عِي فْ اللِّي مَايْغْنِي مَايْفِيدْ
إِيْلآ نَقْنَقْت قُدَّامْهَا
كَتَنْشَرْنِي، فْحَالْ الْقَدِّيدْ
آشْ ظْهَرْ لِيكُومْ نْبَعْبَعْ
وَنْقُولْ، آنَا هُوَّ لْحَوْلِي
نْهَارْ الْعِيدْ ؟؟؟
ليست هناك تعليقات:
إرسال تعليق