يَالايَمْنِي
********
يَالايَمنِي عَ لَّغْرام
ومانْت ذاري لِيه
لحُبّْ ماهُوشْ حرام
ايْلا نْتايَا جرَّبتيه
تشْرق شمْسُو ف ظْلام
لْقلب ينوَّر بيه
يصيْرو كِ عش حْمام
لْحَنانْ وَالدْفا مَالِيه
ايْلا نْتَ قلْبك مضْيام
بَعَّدْ خُويا لْذَاك الجِّيهْ
وْسمَّعْني صَْلاَ وسْلاَمْ
وَجْهك عنِّي ذَارِيهْ
كنْتْ نْحسْبك مَقْدَامْ
وحْصنْ لهْوا غَازِيهْ
خابْ ظنِّي فيكْ ياهُمَامْ
طْلعْتيلِي جاهَل فِيهْ
وَسْمعْ منِّي ذَا لْكْلاَم
ايْلا نْت فْهمْتي مْعانِيه
مادُمتِي قاصَر ياغْلام
طْريقِي بعَّدْ عْليهْ
خلِّيني فَ هْوا لَرْيَامْ
يَجْلينِي ولاَّ نَجْلِيه
*************
المريني ادريس
القصر الكبير بتاريخ : 30 / 09 / 2013
ليست هناك تعليقات:
إرسال تعليق