السلام عليكم ورحمة الله
كلها يلغي بلغاه ويقول من راسي كتفرق
شي يجونب ويشمل أويغرب ولاخور يشرق
مابقا بمن تتيمن ولا تيق ومابقا لمن تسمع أوتصدق
تقتي ف الله كبيرة وعمادي عليه مايحد ولايتشقق
سعدات اللي دخل سوق راسو سد عليه وللقفل طرطق
هاذ الشي زاغ على حدو والزايغ قالو عليه زمان احمق
كلها يهلل بتهلالو كيف العاقل كيف لهبيل كيف المسرفق
جيل وآشمن جيل هذا؟ جيل الفايسبوك والبالطوك والتعالق
جيل الشيشة والحشيشة الكصة والتفريشة والماكلة بالعاشق
جيل كوب زلافة التوينكة ف لوذن والمخ خاوي يزنزن ولعقل مخربق
قالو عليه جيل قيمش مايحشم مايرمش مايسمع كلام ما بالحكمة ينطق
تبكي عليه فيك مايخمم تشكي عليه مايهز ليك هم مايحن ولايشفق
راضعين حليب اللاطة وعلى نيدو مفطومين
تفششهوم تاتعيا ويقولو مظلومين
انت ليهوم باللقايم حيت عليك محسوبين
وهوما فيك بالنقايم بتضحياتك ما حاسين
العطف والحنانة معاها مخاصمين
مايوقرو جار ولايعرفو بحق الوالدين
الحيا والحشمة منهوم طارت قبل الدين
الصواب ولآداب ما فبالهوم ولابيه مولوعين
خوفي عليكوم تتهارشو بيناتكوم وانتوما ما حاسين
خوفي عليكوم حيت واخذبنها معاندة وللعقايب ما حاسبين
خوفي عليكوم من دواير الزمان وكثرتكم مراهقين
خوفي عليكوم من بعد تندمو وما تنفعكوم ولو تمر سنين
كلامي ليكوم نصايح مابغيتلكوم فضايح سالو المجربين
مضيغ المسكة مايشبع مايرد الجوع
كلام السفايه مايتقبل ومايكون مسموع
كلام بان معناه حيت الناطق بيه مدفوع
كلام مردود على اماليه ماهو حق ولامشروع
تاحنا بغينا الكرامة وراسنا يكون بالعز مرفوع
وباغين الرفاهية بلا ماتنتجاوزو الخط الممنوع
باغيين العيش لحلال ماشي الرذيلة والخنوع
باغيين شرع الله يحكمنا وتوجهنا السنة وفيها اليقين
العلمانية خليوها لماليها اللي عليها ترباو وبيها راضيين
احنا مغاربة كيوحدنا الاسلام ويجمعنا بيت الدين
كثرة الفهامة بلا شريب حبتها غترجع مندبة علينا كاملين
كلها يلغي بلغاه ويقول من راسي كتفرق
شي يجونب ويشمل أويغرب ولاخور يشرق
مابقا بمن تتيمن ولا تيق ومابقا لمن تسمع أوتصدق
تقتي ف الله كبيرة وعمادي عليه مايحد ولايتشقق
سعدات اللي دخل سوق راسو سد عليه وللقفل طرطق
هاذ الشي زاغ على حدو والزايغ قالو عليه زمان احمق
كلها يهلل بتهلالو كيف العاقل كيف لهبيل كيف المسرفق
جيل وآشمن جيل هذا؟ جيل الفايسبوك والبالطوك والتعالق
جيل الشيشة والحشيشة الكصة والتفريشة والماكلة بالعاشق
جيل كوب زلافة التوينكة ف لوذن والمخ خاوي يزنزن ولعقل مخربق
قالو عليه جيل قيمش مايحشم مايرمش مايسمع كلام ما بالحكمة ينطق
تبكي عليه فيك مايخمم تشكي عليه مايهز ليك هم مايحن ولايشفق
راضعين حليب اللاطة وعلى نيدو مفطومين
تفششهوم تاتعيا ويقولو مظلومين
انت ليهوم باللقايم حيت عليك محسوبين
وهوما فيك بالنقايم بتضحياتك ما حاسين
العطف والحنانة معاها مخاصمين
مايوقرو جار ولايعرفو بحق الوالدين
الحيا والحشمة منهوم طارت قبل الدين
الصواب ولآداب ما فبالهوم ولابيه مولوعين
خوفي عليكوم تتهارشو بيناتكوم وانتوما ما حاسين
خوفي عليكوم حيت واخذبنها معاندة وللعقايب ما حاسبين
خوفي عليكوم من دواير الزمان وكثرتكم مراهقين
خوفي عليكوم من بعد تندمو وما تنفعكوم ولو تمر سنين
كلامي ليكوم نصايح مابغيتلكوم فضايح سالو المجربين
مضيغ المسكة مايشبع مايرد الجوع
كلام السفايه مايتقبل ومايكون مسموع
كلام بان معناه حيت الناطق بيه مدفوع
كلام مردود على اماليه ماهو حق ولامشروع
تاحنا بغينا الكرامة وراسنا يكون بالعز مرفوع
وباغين الرفاهية بلا ماتنتجاوزو الخط الممنوع
باغيين العيش لحلال ماشي الرذيلة والخنوع
باغيين شرع الله يحكمنا وتوجهنا السنة وفيها اليقين
العلمانية خليوها لماليها اللي عليها ترباو وبيها راضيين
احنا مغاربة كيوحدنا الاسلام ويجمعنا بيت الدين
كثرة الفهامة بلا شريب حبتها غترجع مندبة علينا كاملين
ليست هناك تعليقات:
إرسال تعليق