Carnet du Maroc - 2ème partie

Carnet Du Maroc - 1ère Partie

1989, l'heure de vérité

الحسن الثاني, ساعة الحقيقة

حياتي في صور

مْصِيرَكْ يَابْنَادَمْ تْمُوتْ

مْصِيرَكْ يَابْنَادَمْ تْمُوتْ

***********************

مْصِيرَكْ يَابْنَادَمْ تْمُوتْ

يَنْسَاكْ لَعْدُو وُالصَّدِيقْ

يَنْفَضُّو وْلاَدَكْ وُلْخُوتْ

بَعْدْلْوَاحَكْ فْ بِيتْ الضَّيقْ

وُمُّ وْلاَدَكْ جَاهَا مًبْعُوثْ

طَالَبْ يَدْهَا يْكُونْ لِيهَا رْفِيقْ

وْشينْ جْمَعْتُوتْخَلِّيهْ فَ لْمَورُوثْ

 عْلِيهْ لْوُزَّاعْ وَاقَفْ لِلتَّفْرِيقْ

خَرْجَتْ الرُّوحْ وْفَاتَكْ لْفُوتْ

عَمَلَكْ وْنِيسْ تَسْلَكْ بِيهْ طْرِيقْ

ايْلاَ صَلَّحْتِيهْ لَ الصَّرَاطْ تْفُوتْ

وُيْلاَ طَلَّحْتِيهْ يَرْمِيكْ لَّ حْرِيقْ

المريني ادريس

القصر الكبير بتاريخ : 29 / 09 / 2012

مْغَارْبَة وْنَفْتَاخْرُو

مْغَارْبَة وْنَفْتَاخْرُو

******************

بَانَتْْْْ نِيْْتََكْ وْقَصْدَكْ

وْبَانَتْ حَاجْتَكْ وْغَرْضَكْ

كَانْ صَمْتَكْ خْدِيعَة

بْلاَحُجَّة بْلاَ ذْرِيعَة

نْهَارْ دْوِيتِي

فْرَضْتِي لَقْطِيعَة

آشْ هَاذْ الطْبِيعَة ؟

بَاغِي تَحْكَمْ ؟

زِيدْ تْقَدَّمْ

وُرِّينَا حَنَّةْ يَدِّيكْ

قَبْلَكْ فَََاتَتْ قُومَانْ

مَاقَامَتْ لِيهُومْ قُومَة

جْنَاوْ اللُّومَة وُالتَّشْكِيكْ

الدِّينْ لِلَّهْ

لْوَطَنْ لِلْجَمِيعْ

عَاشْ لْمَلِيكْ

مْغَارْبَة وْنَفْتَاخْرُو

لَ نْبِينَا نَنْتَاصْرُو

لْ شِيخْ مَانَتْعَصْبُو

مِنْ بَعْضْنَا مَا نْغَضْبُو

لْمِيثَاقْنَا مَا نْغَصْبُو

اللهْ يْخَلِّيكْ

لَكْذُوبْ حْرَامْ

فْ دِينْ لْ إِسْلاَمْ

عَنْدْ لْقَسِّيسْ وُلْحَاخَامْ

لْ كُوتُوبْ بِينْ يَدِّيكْ

قْرَا وْطَالَعْ

لَ فْكَارَكْ رَاجَعْ

عَا لْحَقْ دَافَعْ

وُبْلاَ مَانْوَصِّيكْ

الدِّينْ لِلَّهْ

لْوَطَنْ لِلْجَمِيعْ

مْغَارْبَة وْنَفْتَاخْرُو

لِلْفِتْنَة نْقَبْرُو

عْلاَ بْلاَنَا نْصَبْرُو

جْمِيعْنَا نْفَكْرُو

فَْ مْصِيرِي وُمْصِيرَكْ

يْلاَ بُوحْدَكْ نَاوِي تْغَيَّرْ لْكُونْ

رَاكْ مَجْنُونْ

مَخْبُولْ وْمَغْبُونْ

لْهَدَفْ بْعِيدْ عْلِيكْ

صَدَّقْنِي اللهْ يْخَلِّيكْ

شَرْط اللهْ لِلتَّغْيِيِرْ

فْ كْتَابُو بِ التَّسْْطِيرْ

بْدَا بْ رَاسَكْ

صْلَحْ سَاسَكْ

خَاوِي هْلَكْ وْنَاسَكْ

لاَتْفُوتْشِي حَدَّكْ وُقْيَاسَكْ

وُالنَّجَاحْ يْضَمْنُو لِيكْ

كْلامْ لْبَارِي مْوُجَّهْ لِيكْ

طَبَّقْ فِيهْ اللهْ يْخَلِّيكْ

وُرِّينَا حَنَّةْ يَدِّيكْ

الدِّينْ لِلَّهْ

لْوَطَنْ لِلْجَمِيعْ

مْغَارْبَة وْنَفْتَاخْرُو

وْعَاشْ لْمَلِيكْ

المريني ادريس

القصر الكبير بتاريخ : 24 / 09 / 2012