خَايْبَة وْتَخْبَشْ

خَايْبَة وْتَخْبَشْ

خَايْبَة وْعََايْْبَة بْ شُوفَتْْهَا اطَّلَّّّعُ وُتْهَبََّطْْ

لْسَانْهَا سْلِيطْ يْْشُقْ لْحِيطْ خَصْهَا فََمَّنْْ تَشْبَطْ

هََوَََّارََة نَكَّارَة فْ هْمُومْ النَّاسْ تَتْسَلَّى وْتَنْشَطْ

مْعَقْدَة مْجَبْدَة سَاعْرَة وََاعْرَة الشََّرْ فِيهَا اتْحَطّْ

عَاقَّة شَاقَّة مَنْ عَاشََرْهَا يَدْعِيلْهَا بْ السَّخْطْ

مَغْْبُونََة مَجْنُُونَة وْمَفْتُونَة تْزَادَتْ عَامْ الْقَحْطْ

مَرْيُوحَة مَعْفُونَة مَنْ صَارَفْهَا يََّاكُولْ الشَّحْطْ

ايْلاََ جَالْسَتْ قْرَايَنْهَا فْ دَارْ لْعَرْسْ تْجِيبْ لْقَنْطْ

حََفْحَافَة مَهْيَافَََة طَمَّاعَة مَجْوَََاعَة تَاكُلْ بْ لْفَرطْ

جَاعْرَََة وَاعْْرََة خَصْهَا غِيِ مَا تَوْرَد وْتَصْْرَطْ

مَعْلاََفَة رَََفْرَافَة مَاتْفَرَّزْ لْكَرْمُوصَة مَنْ لْكَرْطْ

مَخْيَالَة مِيَّالَة وْطََالْبَة الزْوَاجْ بْ الشَّرْطْ

إِيوََا شْكُونْْ عَاجْبَاهْْ لْخُرْدَة يْفُكْ لْْخَيطْ ؟؟

لَفْقِيهْ حَاضَرْ نَاضَر ْ يَرْبَطْ  وْيََزْغُط ْ

المريني ادريس

القصر الكبير بتاريخ : 29 / 08 / 2012

مراجعات

مراجعات

ادِّيِتْ وْجَبْتْ فْ الزْمَانْ وُخْرجْتْ مَنُّو بْ يْفَادَة

تْعَلَّمْتْ الشِِّي لَكْثِيرْْ خْذِِيتْ عْلِِيهْ  وْسَََامْ وُشْهَادَة

عْرَََفْت بْْ اللِّي الرَّزْقْ مَضْْْمُونْ لِيَّّا وُلْذَاكْ وْهَاذَا

وُعْْرَفتْ لَعْمَرْ مَحْدُودْ وْلِيَّامْ عْلَى طُولْهَا تَتْقَاضَا

وُالنَّاسْْ طْيَافْ  خْيََارْ وُشْرَارْ جْْْمَاعَََاتْ وُفْرَََادَا

لَخْيَارْ حْيَا وُُصْوَابْْ وْعَلْمْ نَََافَعْ تَقْوَى صْلاَحْ وُُعْبََادَة

لََشْرَارْ هَمْْ وْْغَمّْ مْكَايَدْ لْخُبْثْ وُفْحَايَشْ فِيهَا تَتْمَادَا

هَمْهُومْ التَّنْغَاصْ رَايْدِينْ الشّْقَا لْمُولْ السَّعَادَة

عْرَفْتْْْ اللِّي رَاح ْمَايَرْجَعْ

وُاللِّي تْصَمّْ مَايَسْمَعْ

وُاللِّي عْدَمْْ مَا يَنْفَعْ

الْخُوَّافْ مَا يَخْلَعْ

وُلْمَلْهُوفْ مَايَشْبَعْ

عْرَفْتْ عْْرَفْتْ وُعْرَفْتْ 

تْوََحَّشْتْ اللِّي رَاحْ وُسْْبَقْنِي

تْوَحَّشْتْ ابَّا يَضْرَبْنِي

تْوََحَّشْتْ لَفْقِيهْ يَنْهَرْنِي

وُُمْحَاضْرِي لَمْسِيدْ يْحَمَّلْنِي

تْوَحَّشْتْ اُمِّي تَحْضَنِّي

تْوَحَّشْتْ اخْتِي تْحزَّرْنِي

تْوَحَّشْتْ اوْخَيِي يحميني

تْوَحَّشْتْ الرْضَّا يْغَطِّينِي

تْوََحَّشْتْ جَنِّي وُُجْنُونِي

وُعُُدَايَا فْ ظَهْرِي يْطَعْنُونيِ

تْوَحَّشْتْ صْْبَايَا وْصُغْْرِي

تْوَحَّشْتْ دْمُوعِي وَآنَا دَرِّي

تْوَحََّشْْتْ نَلْعَبْ وْنجْرِي

تْوَحَََّشْْتْ فْيََاقْ لْبَكْرِي

تْوَحََّشْتْ تْوَحَّّشْتْ وُُتْوَحَّشْتْ

مَالَكْ يَازْمَانْ مَزْرُوبْ دَغْيَا سَرِّيتِي

يَاكْمَا مَنيِّ مَلِّيتيِ

مَالْقِتِيشْ فِيَّا اللِّي بْغِيتِي

طْلِيتِنِي بْ الشِّيبْ وُمْشِيتِي

عْرَفْتْ عْرَفْتْ وُعْرَفْتْ 

عْرَفْتََكْ يَازْمَانْ دُوَّارْ مَا تْصُونْ لْعَهْدْ

عْرَفْتَكْ يَازْمَانْْ سَهْمَكْ قَنَّاصْ يَََنْفَذْ

عْْرَفْْتَكْْ يَازْمَانْ وْْسِيلَةْ  صَيْدْ

عْرَفْتَكْ يَازْمَانْْْ صَاحِبْْ لْْجَدّْ

تْعَلَّمْتْْ يَََازْمَانْ بَعْدْ فَاتْ لْفُوتْ

كُنْتْ يَازْمَان عَايََشْ مَشْمُوتْ

آهْ يَازْمَانْ مْفَرَّقْ لْخُوتْ

بَعْدْ اللَّمَّة تَحْكَمْ بْ لْمُوتْ

مَنْ بَعْدْ وْحَاشِي لْ صْبَايَا وْصُغْرِي

مَنْ بَعْدْ زَارْنِي خْرِيفْ عُمْرِي

ضَاقْ صَدْرِي وُنْفَذْ صَبْرِي

خُُُذْْنِي يَازْمَانْ نَحْفَرْ قَبْرِي

المريني ادريس

القصر الكبير بتاريخ : 28 / 08 / 2012

على العتبة

على العتبة
 

مْدِينَةْ لَقْْْصَرْ زَاوْْيَة
أَرْضْهَا خَصْبة وْرَاوْيَة
فِِيهَا الرَّشْوَة ضَايْرَة
وُذْهٍينْ السِّّيرْ سََايْْرَة
فِيهَا مَجْْلِسْ يَنْهَبْ
فِيهََا مَخْزَنْ يَََسْْْلََبْ
فِيهَا إِمَامْ يَكْذَبْ
الصَّادَقْ فِيهََا مْعََذَّّبْْْ
الْحَقْ فِيهَا مْحَجَّبْْ
وُلْمُنَافِقْ مْحَزَّبْ
وآلْعَدَاوْ آلْعَدَاوْ
مْدِينَةْ لَقْْْصَرْ زَاوْْيَة
أَرْضْهَا خَصْبة وْرَاوْيَة
فِيهَا لَبْنِي بْلاَََ بْلانْ
كُولْشِي فِيهَا بَاغِي يْبَانْ
قُطَّاعْ طْرِيقْ وْرُعْيَانْ
لاَ أَمْنْ فِيهَا لاَ آمََانْ
لاَ صْبِيطَارَاتْ ب ْضّّّْمََانْ
وآلْعَدَاوْ آلْعَدَاوْ
مْدِينَةْ لَقْْْصَرْ زَاوْْيَة
أَرْضْهَا خَصْبة وْرَاوْيَة
فِيهَا الشَّمْكَارْ يَسْرحْ
وْكِيفْ مَا يْحَبّْ يَمْرَحْ
فِيهَا الشَّفَّارْ يَرْبَحْ
فِيهَا الجِّيفَة تَََنْذْبَحْ
فِيهَا الْمَرْدَة يَنْطَحْ
وَآلْعَدَاوْ آلْعَدَاوْ
مْدِينَةْ لَقْْْصَرْ زَاوْْيَة
أَرْضْهَا خَصْبة وْرَاوْيَة
الْحُوتْ خَانَزْ يَتْبَاعْ
بْلاَ حُجَّة بْلا آشْرَعْ
التَّاجَرْ فِيهَْ طَمَّاعْ
تَلْقَاهْ يَسْجَدْ وْيَرْْكَعْ
 لِِِْغُش دِيمَا مْبََياعْ
 مْ الدَّيْْْنْ رَاهُومْخَبَّع
وَََآلْْعََدَاوْْ آلْعَدَاوْ
مْدِينَةْ لَقْْْصَرْ زَاوْْيَة
أَرْضْهَا خَصْبة وْرَاوْيَة
فِِيهَا الرَّشْوَة ضَايْرَة
وُذْهٍينْ السِّّيرْ سََايْْرَة
فِيهَا مَجْْلِسْ يَنْهَبْ
فِيهََا مَخْزَنْ يَََسْْْلََبْ
فِيهَا الإِْمَامْ يَكْذَبْ
وَََآلْْعََدَاوْْ آلْعَدَاوْ
آشْ لْْمََعْمُولْ يَاسْيَادِي
رَانِي مَغْبُونْْْ فِي بْْْلاَدِي
فْْتِيوْْ عْْلِيَّا يَاكْبَادِي
عَايَشْ مَحْْقُونْ مُدَّة هََاذِي
وُعْْْيِيِتْ نَصْرَخْ وُ نَّّادِي
وَآلْْعََدََاوْ آلْعَدَاوْ
مَالْقِيتْ وْذَانْ صَََاغْيَة
وَلاََ جْْمَاعَة وََاعْيََة
وُالنَّاسْ مَاهِي رَاضْيََة
عْلَى مْدِِينْتْهََا الزََّاهْيَة
كِِيفَاشْ ضْحَاتْ قَرْيَة
صََبْْحَتْ لَرْسَامْ خََالْيَة
وْلَحْمِيرْ فِيهَا رَاعْيَة
وََآلْعَدَاوْ آلْعَدَََاوْ
لْعَاقَلْْ فِِيهَا مَهْْمُومْ
الشْْْرِِيفْ فِيهَا مََتْهُومْ
وُلْمُوَاطِنْ مَضْيُومْ
غِِيرْ فِيدُونَا يَاقُومْ
لَمََّنْ نْوَجْهُو اللٌّومْ
رَايْكُومْ مَطْلُوبْْ الْيُومْ
صْحَََاوْ خْْلاََصْ النٌّّومْ
صْوتْنَا مَايْعُودْ مَكْثُومْْ
نْصَرْخُو بَََكْلاَم مَعْلُومْ
وَََآلْْْعََدَاوْْ الْعَادَاوْ
مْدِينَةْ لَقْْْصَرْ زَاوْْيَة
أَرْضْهَا خَصْبة وْرَاوْيَة
فِِيهَا الرَّشْوَة ضَايْرَة
وُذْهٍينْ السِّّيرْ سََايْْرَة
فِيهَا مَجْْلِسْ يَنْهَبْ
فِيهََا مَخْزَنْ يَََسْْْلََبْ
فِيهَا الإِْمَامْ يَكْذَبْ
وآلْعَدَاوْ آلْعَدَاوْ
مْدِينَةْ لَقْْْصَرْ زَاوْْيَة
أَرْضْهَا خَصْبة وْرَاوْيَة
فِيهَا لَبْنِي بْلاَََ بْلانْ
كُولْشِي فِيهَا بَاغِي يْبَانْ
قُطَّاعْ طْرِيقْ وْرُعْيَانْ
لاَ أَمْنْ فِيهَا لاَ آمََانْ
لاَ صْبِيطَارَاتْ ب ْضّّّْمََانْ
وآلْعَدَاوْ آلْعَدَاوْ

المريني ادريس

القصر الكبير بتاريخ : 27 / 08 / 2012