حزب الشيطان

 گال ليا تحزب

لاتبقاشي مكونب

تتعلم تنافق

تزوق وتكذب

قلت هيا نجرب

يمكن ليا نكسب

لْمعرفة راها مطلب

دخل الشاف يجذب

وبدا عليا يخطب

قالي بلا ماتزرب

نعلمك كيفاش تنهب

وعقول لخلق تسلب

لغشام كثار ف الدرب

ايلابغيتي تنجب

لابد تبقا مواظب

نعلمك تنوعر وتقولب

تمدح ف الظالم وتطنب

بلا نرفزة بلاعصب

تدخل لبيوت تطرب

وبين الجماعات تنشب

أجرك عليا بلاماتغضب

ولوسام يبليس مدرب

المريني ادريس

القصر الكبير بتاريخ : 30 / 01 / 2013

الدنيا الغرارة

الدنيا الغرارة

************

آحّّْ عليك يا الدنيا ياجامعة اللَّمَّّات

غدارة مافيك آمان تْْْسيّْلي الدمعات

سرقتيني من عمري فعز اللحظات

سرحتي بيا وحيد شحال من مرات

وانا ثملان مافطنت لشي سكرات

ولما صحيت لقيت مابقا قد مافات

سوادي بياض الذات سقامت ورشات

والرطب فعظامي بانت فيه سوسات

آه يا الدنيا يا لمفطومة على التشتات

اللي طاعك هنتيه وْكَلْْتي ليه اللَّعنات

اللي عصاك شقِّيتيهْ طعمتيه من لفتات

ومافاز غي الزاهد الرافض ليك بالذات

اليوم حين عرفت حقيقتك طلقتك بالثلاث

خلاص خلاص يآلدنيا مابقا قد مافات .

المريني ادريس

           القصر الكبير بتاريخ : 26 / 01 / 2013

النَّمَّامْ

النَّمَّامْ

**********

يالخايض فسيار الناس

كل واحد ملزوم بفعالو

وآش ضرك نت من باس

كل واحد خليه فحالو

شكون قولي دارك عساس

تحرس لعباد ليه بدالو

ايلا انتايا فيك شي وسواس

ساكن فيك جذََّرْْْ بكمالو

شوف اللي يعالجك غير بَ لقْياسْْ

عليك بْلمولى  جلّْ جْلاَلُُو

أَوْغاوي الصَّهْبا وُُُرشيف لْكاسْ

موثقك الشيطان بحْبالُُو

توب لله باراكا خلاص

تنال عفوُُورضاه ووْْصالُو

يالخايض فسيار الناس

كل واحد عاجباه فعالو

وآش ضرك نت من باس

كل واحد خليه فحالو

شحال من غافل عايِِش ترََّاسْْْ

متلذذ غارق ف ثمالو

وحين سمع قرعات لجراس

جمد دموتخثر فدخالو

دنا لْ أجل وْشاب الرَّاس

واقترب ليهْ وقت رحالو

عاد فطن طار ليه النّّْعاس

وُُُُُبْدا يْخمَّمْْ وحدو فِ مْْْآلو

بدا يْْْغرْغر وكْثم لَنْفاس

جاه لفقيه واقف قبالو

حين ضاروبيه گاع لْوُنَّاسْ

وْشي صُبيان خْْْرين نْجالو

عند النَّّزعة جاه لْْخنَّاسْ

اللي كان يزين ليه عمالو

عند الشهادة نطقو انْخْراسْ

وحتى عينيه بداو يحوالو

خرجت الرُُّّوح مِنّْ لْ أََساسْْْْ

وبدا لباكي يردد موالو

شََمْْلالْْ كْْْفنْْ فصّّّْلوه قْياسْ

بعد  طرْْْحُُُوومدو غسَّّالو

وتم دفينو ما بين لرماس

يواجه لقبروحدو وهوالو

ناظم لقصيد لمريني ادريس

ناسج لكلام من حوالو

كفيف عفيف مرفوع الراس

لاعن عنو يبليس وأمثالو

راجي لْمََََََوْْْلى حاصي لنفاس

يمحق لمامو وزلالو

يالخايض فسيار الناس

الله واحد موصوف بكمالو

غُُُضََّّ طرفك لا تعود بصاص

كل زمان وليه رجالو

ياللي داخل سوق لفضول

قرا كلامي وحفظ لقول

فعراض لغيرسايرتجول

تفضح لسرار تلحن لقول

توب لله قبل لْ أُُُفُُولْ

قبل لا يصير يمينك مبطول

المريني ادريس

القصر الكبير بتاريخ : 05 / 02 / 2013